თბილისი

1972 წლის Apollo 17-ის მისიიდან ჩამოტანილ მთვარის ზედაპირზე არსებული მტვრის კრისტალებს მეცნიერებმა ხელახლა ჩაუტარეს ანალიზი. კვლევის შედეგად დადგინდა, რომ დედამიწის თანამგზავრი 4.46 მილიარდი წლისაა. ამით ვასკვნით, რომ მთვარე 40 მილიონი წლით უფრო ძველია, ვიდრე აქამდე გვეგონა.

ჩიკაგოს მუზეუმის მკვლევარების აზრით, ჩვენი მთვარე ადრე მარსის ზომის ობიექტი იყო, რომელიც დედამიწას შეეჯახა და მას შემდეგ ჩვენი ორბიტა აღარ დაუტოვებია. "მთვარის ქრონოლოგიური ასაკის დასადგენად, მის ზედაპირზე არსებულ კრისტალებს ვიყენებთ", - ამბობს კვლევის ავტორი ფილიპ ჰეკი.

აპოლო 17-ის ნიმუშებმა მიანიშნა, რომ როცა ობიექტი დედამიწას შეეჯახა და უნებლიედ ჩვენი მთვარე ჩამოაყალიბა, "შეჯახების მიღმა არსებულმა თერმულმა ენერგიამ ქვა გაადნო და შესაბამისად, მთვარის მტვრიანი ზედაპირი მივიღეთ... სხვა შემთხვევაში, ისინი გადნებოდა და მათი ქიმიური მახასიათებლები წაიშლებოდა", - დასძენს ფილიპი.

"მთვარე ჩვენი პლანეტარული სისტემის მნიშვნელოვანი პარტნიორია: ის დედამიწის ბრუნვის ღერძს ასტაბილურებს, მისი წყალობით გვაქვს დღეში 24 საათი და ისაა იმის მიზეზი, რომ ოკეანეებში ტალღების მიმოქცევაა", - აცხადებს ჰეკი.

"მთვარის გარეშე, დედამიწაზე სიცოცხლე სხვანაირი იქნებოდა. ის ჩვენი ბუნებრივი სისტემის ნაწილია, რომლის უკეთ შეცნობა გვსურს და ჩვენი კვლევა ამ მთლიანი სურათის მხოლოდ პატარა ნაწილს გვიჩვენებს", - დასძენს ფილიპ ჰეკი.

ანა სიბოშვილი