თბილისი

შემოდგომა ბევრი მოგზაურის საყვარელი პერიოდია. ამ დროს ამინდი ზომიერია და ახალი თავგადასავლების დროს სიცხე და სიცივე ხელისშეშლელი ფაქტორი არაა. თუ თქვენც მათ შორის ხართ, ვინც მოგზაურობას შემოდგომაზე ამჯობინებს, რამდენიმე საინტერესო საშემოდგომო მიმართულებას გაგაცნობთ.

ახალი ინგლისი, აშშ

ბოსტონი, ახალი ინგლისი, აშშ - ეს წითელი, ნარინჯისფერი და ყვითელი ფერების ნამდვილი ზეიმია. ბოსტონის გარდა შემოდგომაზე აუცილებლად უნდა ნახოთ პატარა ქალაქები, როგორიცაა ვერმონტი, პორტსმუთი, ნიუ-ჰემფშირი და მონაწილეობა მიიღოთ ვაშლის მოსავლის აღებაში.

კიოტო, იაპონია

კიოტოს უძველესი ტაძრები და ბაღები შემოდგომაზე ულამაზესი სანახავია. Kiyomizu-dera და Tofuku-ji - ეს ქალაქის ორი უმშვენიერესი ტაძარია, რომლებიც შემოდგომაზე ჩამოცვენილ ფოთლებში იფლობა. აქ ადგილობრივი სეზონური კერძების დაგემოვნებაც არ დაგავიწყდეთ.

ბავარია, გერმანია

ბავარია თავისი ზღაპრული სასახლეებითა და შთამბეჭდავი სოფლებით, შემოდგომაზე ცოცხლდება. შემოდგომაზე მიუნხენში ნამდვილი ზეიმი, ოქტობერფესტი გელოდებათ.

ტოსკანა, იტალია

ტოსკანის ვენახები და შუა საუკუნოვანი შენობები შემოდგომაზე კიდევ უფრო მომხიბვლელი ხდება. აუცილებლად ისიამოვნეთ ყურძნის მოსავლით და დააგემოვნეთ მსოფლიო დონის ღვინოები, ეწვიეთ ფლორენციას ზაფხულის ხალხმრავლობის გარეშე და შეიგრძენით რეგიონის რუსტიკული ხიბლი.

პრაღა, ჩეხეთი

პრაღის რომანტიკული ატმოსფერო შემოდგომაზე კიდევ უფრო აქცენტირებული ხდება. აუცილებლად მოინახულეთ ჩარლის ხიდი და პრაღის ციხე-სიმაგრე, მიირთვით გულიაში და პელმენი.