თელ-ავივი

ხანგრძლივი წვიმების შემდეგ, კამერუნის დედაქალ მეწყერსაქ იაუნდეში ჩამოწოლილ მეწყერს ოფიციალურად, 23 ადამიანი ემსხვერპლა. ადგილობივი რადიოს ცნობით კი, გარდაცვლილთა რიცხვი დაახლოებით 40-მდე უნდა იყოს, თუმცა ბევრი ადამიანი ჯერ კიდევ დაკარგულად მიიჩნევა.

იაუნდეში მეწყერმა სამაშველო სამუშაოები შეაფერხა, რის გამოც ადგილობრივები იძულებული გახდნენ, ნანგრევებიდან ადამიანები შიშველი ხელებით ამოეყვანათ.

სტიქიამ ყველაზე მეტად მბანკოლოს ღარიბი უბანი დააზარალა. ფერდობზე აშენებული 25 სახლი ჩამოინგრა და მეწყერმა ბანანის ხეები ძირფესვიანად ამოძირკვა.

"ბავშვების გვამები სველ მიწაზე იყო მიმოფანტული", - იხსენებს შემზარავ სცენას ერთ-ერთი მაცხოვრებელი.

წყალდიდობებია მოსალოდნელი თვის ბოლომდე კამერუნის მეზობელ ნიგერიაშიც. შაბათს, ნიგერიის ხელისუფლებამ მოსახლეობა გააფრთხილა, რომ ცხრა შტატში წყალდიდობა იყო მოსალოდნელი, რადგან კამერუნმა, ძლიერი წვიმების გამო, ლაგდოს კაშხლის წყლისგან გათავისუფლება დაიწყო. ნიგერიის საგანგებო სიტუაციების მართვის ეროვნულმა სააგენტომ განაცხადა, რომ წყალდიდობები ოქტომბრის ბოლომდე გაგრძელდება.

ანა სიბოშვილი