თბილისი

სიცხეში ხანგრძლივი მგზავრობა განსაკუთრებულ გამოწვევებთანაა დაკავშირებული. სასურველია მგზავრობის დეტალები წინასწარ დაგეგმოთ, რომ ის უსაფრთხო და კომფორტული იყოს და სიცხემ თქვენს მოგზაურობაზე ნეგატიური გავლენა არ მოახდინოს. ამაში კი ჩვენი რჩევები დაგეხმარებათ:

ნუ გამოიფიტებით

მგზავრობის დროს დალიეთ ბევრი წყალი მიუხედავად იმისა, გრძნობთ თუ არა წყურვილს. წინასწარ გაითვალისწინეთ, რომ მანქანაში საჭირო რაოდენობის წყალი გქონდეთ ან გზას მარაგის შევსების შესაძლებლობა იყოს.

ჩაიცვით შესაბამისად

მგზავრობის დროს ატარეთ მსუბუქი, ღია ფერის ტანსაცმელი, რომელიც მზის სხივებს აირეკლავს და თქვენს სხეულს გაგრილების შესაძლებლობას მისცემს. შლაპა და სათვალე მზისგან დაცვის დამატებითი საშუალებებია.

წაისვით მზისგან დამცავი კრემი

არ იფიქროთ, რომ მანქანაში მზის სხივები ვერ მოგწვდებათ და ვერ დაგწვავთ. გამოიყენეთ მაღალი დაცვის კრემი და ის ყოველ 2-3 საათში ერთხელ გაიახლეთ.

გამოიყენეთ გამაგრილებელი საშუალებები

ნუ მოერიდებით სველი პირსახოცებისა და სხვა დამატენიანებელი საშუალებების გამოყენებას. ძალიან პრაქტიკულია სპეციალური თერმული წყლები, რომლებიც სიგრილის განცდას მომენტალურად მოგგვრით.

ხშირად შეისვენეთ

თუ ხვდებით, რომ სიცხემ განსაკუთრებულად შეგაწუხათ და სუნთქვა გიჭირთ ან სხვა ჩივილმა იჩინა თავი, ნუ გარისკავთ და აუცილებლად შეისვენეთ. დალიეთ წყალი და ცოტა ხანი გრილ, მზისგან დაცულ სივრცეში გაჩერდით.

ნუ მიიღებთ კოფეინის შემცველ სასმელს

კოფეინი ხელს უწყობს სხეულის დეჰიდრატაციას. ამიტომ სიცხეში მგზავრობის დროს მოერიდეთ ყავის და კოფეინის შემცველი სხვა სასმლის მიღებას. მათ სანაცვლოდ დალიეთ წყალი.

არ დაგავიწყდეთ, ექსტრემალურ სიცხეს ჯანმრთელობისთვის სერიოზული პრობლემების შექმნა შეუძლია. ამიტომ გაითვალისწინეთ თითოეული რჩევა და მოუსმინეთ თქვენს სხეულს.