შოვი

2021 წლის პირველ ნახევარში უკვე ორი ვულკანი ამოიფრქვა. მოდით, გადავხედოთ ისტორიას და გავიგოთ მასშტაბური ამოფრქვევების შესახებ.

ჩვ.წ 79 წელს, ვეზუვის მასშტაბური ამოფრქვევა ყველაზე ცნობილი მოვლენაა ვულკანების ამოფრქვევის ისტორიაში. შედეგად ორი ქალაქი, პომპეი და ჰერკულანუმი განადგურდა. ეს არის პირველი რეგისტრირებული ამოფრქვევა.

1783 წელი, ვულკანი ლაკი, ისლანდია. ვულკანის აქტიურობა 8 თვე გაგრძელდა. ფერფლი ნორვეგიაში, გერმანიაში, საფრანგეთსა და დიდ ბრიტანეთში გავრცელდა. ეს ამოფრქვევა ყველაზე საშინელი კატასტროფა იყო, რამაც ისლანდიის ცხოვრება სრულიად შეცვალა. მსხვერპლის რაოდენობამ კი 10 000 - ს მიაღწია.

1815 წელი, ვულკანი ტამბორა, ინდონეზია. მისმა ამოფრქვევამ ფაქტობრივად მთელ პლანეტაზე მოახდინა ზეგავლენა. ფერფლის ღრუბელი ეპიცენტრიდან 600 კმ-ზე შორს გავრცელდა და 2 დღის განმავლობაში მზეც კი დაფარა. ეს იყო ყველაზე დამანგრეველი ვულკანური ამოფრქვევა.

1883 წელი, ვულკანი კრაკატაუ, ინდონეზია. მიუხედავად იმისა, რომ ამ ვულკანმა გამოღვიძების პირველი ნიშნები ორთქლისა და კვამლის სახით გამოავლინა, უბედურების აცილება მაინც ვერ მოხერხდა. მას კი არ მოერიდნენ, არამედ პირიქით, ტურისტულ ატრაქციონადაც კი აქციეს. მაგრამ დაიწყო აფეთქება და მთელს კუნძულზე გავრცელდა. ამოფრქვეული მასა კი იყო გრანიტის ბლოკები და ვულკანური მინა.

1902 წელი, მონტან-პელე, ანტალიის კუნძულები. ამ ერთი შეხედვით პატარა ვულკანიდან ცეცხლოვანი ღრუბელი და ფერფლის სქელი მასა ამოვარდა. შედეგად, საპორტო ქალაქი სენ-პიერი მთლიანად გაანადგურა. ეს ყველაფერი კი იმდენად სწრაფად მოხდა, რომ მოსახლეობის უმრავლესობა დაიღუპა, მხოლოდ სამი ადამიანი გადარჩა.

1994 წელი, ვულკანი ვეზუვი, იტალია - მისი ამოფრქვევა მეორე მსოფლიო ომის დროს მოხდა და დიდი ზარალიც გამოიწვია. დღეს ეს ტერიტორია, რომელიც ვულკანის გარშმო მდებარეობს, ეროვნულ პარკად არის გამოცხადებული.