თბილისი

ნიდერლანდების ქალაქ ჰაარლემში ძლიერ შტორმს მინიმუმ ერთი ადამიანი ემსხვერპლა, - ინფორმაციას მედიასაშუალებები ადგილობრივ სამართალდამცავებზე დაყრდნობით ავრცელებენ.

მათივე ინფორმაციით, გარდაცვლილი ქალია, რომელსაც ხე დაეცა.

ქარის სიჩქარემ საათში 146 კილომეტრს მიაღწია, ქვეყნის ხელისუფლებამ მოსახლეობა გააფრთხილა, შენობების დატოვებისგან თავი შეიკავონ.

შტორმა შეაფერხა სატრანსპორტო მოძრაობა: ამსტერდამის სხიპოლის აეროპორტში 300-ზე მეტი ავიარეისი გაუქმდა.

მატარებლის ოპერატორებმა NS-მა და Arriva-მ ქვეყნის ჩრდილოეთით ყველა სერვისი შეაჩერეს. მოგლეჯილი ხეების გამო ამსტერდამის ჩრდილოეთით გზატკეცილი დაიხურა. სატრანსპორტო უწყებებმა მოსახლეობა გააფრთხილეს, საავტომობილო გზებზე მოძრაობისგან თავი შეიკავონ.