თბილისი

ვარსკვლავებზე დასაკვირვებლად ზაფხული საუკეთესო დროა. ამ დროს ცა განსაკუთრებით მოწმენდილია და ციურ სხეულებზე დაკვირვებას არაფერი უშლის ხელს. სამოყვარულო ტელესკოპით თქვენ შეგიძლიათ დაინახოთ გალაქტიკის ის მცირე ნაწილი, რომელიც მზესთან ახლოს არის განლაგებული. დასაკვირვებლად სასურველია შეარჩიოთ ადგილი ქალაქგარეთ, სადაც ბევრი განათება არ არის. შენობებისა თუ ქუჩების განათება მხედველობას აფერხებს.

ახლოს მდებარე ვარსკვლავებისა და პლანეტების დანახვის გარდა, თქვენ ტელესკოპით შეგიძლიათ დააკვირდეთ მეტეორსაც, რომელსაც ჩამოვარდნილ ვარსკვლავს უწოდებენ. ცაზე შეიძლება დააკვირდეთ მფრინავ თანამგზავრებსა და საერთაშორისო კოსმოსურ სადგურებსაც.

ცაზე პლანეტები და ვარსკვლავები ერთმანეთისგან რომ გაარჩიოთ, გახსოვდეთ, ვარსკვლავის ნათება საკმაოდ კაშკაშაა და ციმციმებს. პლანეტას კი უფრო სტაბილური ნათება აქვს.

ცაზე დასაკვირვებლად სხვადასხვა სამოყვარულო ტელესკოპი დაგჭირდებათ. თუმცა საწყის ეტაპზე 20-ჯერადი გადიდების მქონე ბინოკლითაც შეგიძლიათ დაიწყოთ.

მთავარი წესი, რაც ცაზე დაკვირვებისას უნდა გაითვალისწინოთ, არის ის, რომ არ შეიძლება მზეს პირდაპირ შეხედოთ თუ სპეციალური ტელესკოპი არ გაქვთ. ამისთვის საჭიროა მზისგან დამცავი ფირი, ან სპეციალური ტელესკოპი Coronado.