ზუგდიდი

ზაფხულის სიცხესთან გამკლავება ცხოველებს ადამიანების მსგავსად უჭირთ. ამიტომ მნიშვნელოვანია, რომ პატრონებმა მათ გაგრილებას სათანადო ყურადღება მიაქციონ. ამ პროცესში შემდეგი რჩევები გამოგადგებათ:

· ყოველთვის გაასეირნეთ გამთენიისას ან შებიდნების მერე, როდესაც მზის მცხუნვარება არ შეაწუხებს.

· ცხოველის ყველაზე სუსტი და მგრძნობიარე ადგილი თათის ბალიშებია, ამიტომ ეზოში გასვლისას, როდესაც გზის საფარი ცხელია, ჩააცვით სპეციალურად მისთვის განკუთვნილი ფეხსაცმელი.

· სიცხემ შეიძლება გამოიწვიოს ცხოველის დეჰიდრატაცია ანუ გაუწყლოვნება. ამ დროს მისი საქციელი იცვლება. მაგალითად, გაუწყლოვანების შემთხვევაში, მას პირის ღრუდან ნერწყვი მოსდის. თქვენი ოთხფეხა მეგობარი აუცილებლად წყლით უნდა უზრუნველყოთ.

· სადაც უნდა წახვიდეთ, ყოველთვის თან იქონიეთ წყალი თქვენი შინაური ცხოველითვის.

· ეზოში ან აივანზე გქონდეთ წყლით სავსე თასი, რომ ცხოველმა გაგრილება შეძლოს.

· ვეტერინართან შეთანხმებით, ოპტიმალურ სიგრძეზე შეჭერით თმა თქვენს ძაღლს.

· შინაურმა ცხოველებმა, რომლებსაც ღია შეფერილობის ცხვირი ან ყური აქვთ, შესაძლოა, მზის სხივისგან დამწვრობა მიიღონ ისევე, როგორც ადამიანებმა. იკითხეთ ზოომაღაზიებში მისგან დამცავი საშუალება.

· მიეცით ნება, დაიძინოს. შინაურმა ბინადარმა შესაძლოა, სიცხეში ყოველდღიური განრიგი შეცვალოს, მაგალითად ისეირნოს ცოტა და ეძინოს დიდხანს. ეს ნორმალურია, ამიტომ ნუ შეეცდებით ძილის დროს მის გაღვიძებას.