თბილისი

AccuWeather-ის მეტეოროლოგები ვარაუდობენ, რომ მაისში აშშ-ს შტატებს კიდევ რამდენიმე ტორნადო დაატყდება თავს. აპრილის თვე ბუნებრივი კატასტროფებით ძალიან დატვირთული იყო. მიყენებული ზარალი საკმაოდ მასშტაბურია. რამდენიმე ტორნადოს საკმაოდ დიდი ადამიანური მსხვერპლიც მოჰყვა.

ტორნადოები დიდ ტემპერატურულ ცვლილებებსაც იწვევს. მთელი ქვეყნის მასშტაბით საკმაოდ აცივება იგრძნობა და ეს ტენდენცია ჯერ დასასრულისკენ არ მიდის.

სინოპტიკოსების ვარაუდით, უამინდობა და ჭექა-ქუხილია მოსალოდნელი 2 მაისსაც, რომელიც კოლორადოს შტატიდან ნიუ-მექსიკოსა და დასავლეთ ტეხასისკენ გადაინაცვლებს. მათი პროგნოზით, დაფიქსირდება ძლიერი, დამანგრეველი ქარიშხალი.

აღსანიშნავია, რომ ქალაქებს, სადაც ახლა ქარიშხალია მოსალოდნელი, გასული თვეების განმავლობაში გვალვასა და უნალექობასთან გამკლავება უწევდა. მაგალითად ქალაქ ლუბოკში, ტეხასში იანვრის შემდეგ მხოლოდ 0.86 ინჩი წვიმა დაფიქსირდა, რაც სტანდარტულ საშუალო მაჩვენებელზე 23% დაბალია.

აღნიშნულიდან გამომდინარე, სინოპტიკოსები ვარაუდობენ, რომ ქარიშხალს თან მოჰყვება სიმშრალით გამოწვეული მტვრის კვამლი, რაც სტიქიის დროს მხედველობას გააუარესებს.

სინოპტიკოსების ვარაუდით, ქარიშხალი ხუთშაბათს ცენტრალურ ტეხასში გადაინაცვლებს, სადაც ასევე პრობლემებს გამოიწვევს.

ვარაუდობენ, რომ ქარიშხლებმა ხუთშაბათს ღამით შეიძლება ტორნადოც გამოიწვიოს.