თბილისი

მთვარის ფაზებსა და ოკეანის მოქცევებს შორის მჭიდრო კავშირია. ოკეანის ტალღები ასე ცხადად შესამჩნევი არ იქნებოდა, რომ არ არა მთვარის გრავიტაციის ძალა. ამის შესახებ ბევრმა იცის, თუმცა არ იციან, რომ რომ მთვარის ფაზებსა და დედამიწაზე არსებულ ამინდს შორისაც არსებობს გარკვეული კავშირი.

მთვარე დედამიწიდან დაახლოებით 384,400 კილომეტრით არის დაშორებული. მანძილის მიუხედავად მისი გავლენა ჩვენს პლანეტაზე ცალსახაა. მთვარე დედამიწაზე არსებულ ამინდზე გავლენას ახდენს როგორც პირდაპირი, ისე არაპირდაპირი გზით. ამის მთავარი და უტყუარი დასტური გახლავთ ის, რომ მთვარის გრავიტაციული ძალა მოქმედებს ოკეანის მოქცევაზე. მოქცევა კი, თავის მხრივ, გავლენას ახდენს ამინდზე.

გარდა აღნიშნულისა, მთვარე გავლენას ახდენს როგორც პოლარულ ტემპერატურაზე, ისე ჩვენს პლანეტაზე ნალექის რაოდენობაზე.

ცნობილია, რომ ყოველ 24-საათიან ციკლში არის ორი მოქცევა და მიქცევაა. მოქცევა პიკს აღწევს ახალი და სავსე მთვარის პერიოდში, ხოლო მიქცევა აღნიშნულ პერიოდში საშუალოზე უფრო სუსტია. ოკეანის მოქცევის ინტენსივობა გავლენას ახდენს ოკეანეებში დინებების მოძრაობაზე მთელ პლანეტაზე, რაც, თავის მხრივ, ცვლის ამინდს ცივი და თბილი დინებების ინტენსივობის გზით.

University of Washington-ის ერთ-ერთი კვლევის თანახმად, მთვარე ზემოქმედებს დედამიწაზე მოსული წვიმის რაოდენობაზეც. როდესაც მთვარე ცის მაღალ წერტილში დგას, ის გავლენას ახდენს დედამიწის ატმოსფეროსა და შედეგად, ნალექის რაოდენობაზე. მთვარის ატმოსფეროზე გავლენა არის ზეწოლის ტიპის და სწორედ ეს იწვევს ნალექის მომატებულ რაოდენობას.

მეორე მხრივ, სატელიტური მონაცემებით დადასტურებულია რომ სავსე მთვარის პერიოდში ატმოსფერული ტემპერატურა 0.55 გრადუსით უფრო მაღალია, ვიდრე სავსე მთვარის დროს. უშუალოდ დედამიწაზე კი ტემპერატურა უმნიშვნელოდ, 0.02 გრადუსითაა მომატებული. მცირე ცვლილების მიუხედავად ფაქტია, რომ მთვარე ჩვენი პლანეტის ამინდზე გავლენას ახდენს.