ზუგდიდი

გაზაფხული დადგა და ბევრ სასიამოვნო მოვლენასთან ერთად, მოიტანა ალერგიაც. სეზონურ ალერგია, რომელიც სხვადასხვა ფორმით გამოიხატება, არის რეაქცია, ე.წ. მტვერზე, მოყვითალო ფხვნილზე, რომელსაც აყვავებული მცენარე წარმოქმნის. ორგანიზმი მას აღიქვამს, როგორც „არასასურველ სტუმარს“ და თავის დასაცავად გამოყოფს ჰისტამინსა და სხვა ქიმიკატებს, რომლებიც იწვევენ ალერგიის საერთო სიმპტომებს. ესენია: ცემინება, ცხვირის გაჭედვა, სურდო და ქავილი, ცრემლიანი თვალები.

სხვადასხვა სეზონზე ალერგიის პროვოცირებას სხვადასხვა მცენარე იწვევს, თუმცა ამ ყველაფერს ერთი რამ აერთიანებს. ალერგიის სიმძიმესა და სიმპტომების ინტენსივობას განსაზღვრავს ამინდი. კონკრეტულად, ტემპერატურა და ტენიანობა გადამწყვეტ როლს თამაშობს ალერგიულ რეაქციებზე. მიზეზი ის გახლავთ, რომ ეს მაჩვენებლები გავლენას ახდენენ ყვავილის მტვრისა და ობის ქცევაზე. ალერგიას კი სწორედ ეს ორი რამ იწვევს.

მაგალითად, ჩვეულებრივზე თბილი ზამთარი ან თოვლის ნაკლებობა ობის აყვავებას და ხეების უფრო ადრიანად დამტვერვას უწყობს ხელს. შესაბამისად ადამიანებში ალერგიის სიმპტომები უფრო ადრე იწყებს გამოვლენას. ის ხდება ურო ინტენსიური და დიდხანსაც გრძელდება. სიმპტომების გაუარესება ასევე შეიძლება უკავშირდებოდეს ქარიან ამინდს, რადგან ის უფრო სწრაფად ავრცელებს მტვერს და ყვავილს. მეორე მხრივ, წვიმა ამსუბუქებს ალერგიის სიმპტომებს, როგორიცაა თვალების ქავილი ან ცხვირიდან გამონადენი.