ლანჩხუთი

არამდგრადი ამინდები საქართველოში 24 თებერვლამდე შენარჩუნდება. ამის შესახებ გარემოს ეროვნული სააგენტოს ჰიდრომეტეოროლოგიური პროგნოზების სამმართველოს უფროსმა სვეტლანა ნიორაძემ ambebi.ge-სთან საუბარში აღნიშნა.

„24 თებერვლამდე არამდგრადი ამინდი შენარჩუნდება, რაც დაბლობსა და ბარში წვიმასა და თოვლს გამოიწვევს. მსგავსი ამინდი შენარჩუნდება 22 თებერვლის ჩათვლით. ხვალ გაძლიერდება ქარი და აღმოსავლეთ საქართველოში 22-25 მეტრწამს მიაღწევს. ისევ შენარჩუნდება არამდგრადი ამინდები მთიან რეგიონებში - მოსალოდნელია ძლიერი თოვა, ნისლი, ლიპყინული, რაც გზების ცალკეულ მონაკვეთებზე შეზღუდვებს გამოიწვებს,“ - აღნიშნავს სვეტლანა ნიორაძე.

მისივე განმარტებით, ყინვა ცოტა შესუსტდა, რაც იმის ნიშანია, რომ კარს მომდგარია გაზაფხული.

გარკვეული პერიოდი დაბლობსა და ბარში წვიმა ისევ შენარჩუნდება. მაღალ მთაში თოვას და ქარბუქს უნდა ველოდოთ.