გონიო

ჰაერის ტემპერატურა არის ფიზიკური სიდიდე, რომელიც აფასებს, რამდენად ცხელი ან ცივია ჰაერი. ის ატმოსფეროს ერთ-ერთი მთავარი თვისებაა და მუდმივად იცვლება. ტემპერატურა დამოკიდებულია სხვადასხვა ფაქტორზე. მათ შორისაა:

• კუთხე, რომლითაც მზე დედამიწას უყურებს
• მანძილი მზესა და დედამიწას შორის
• დედამიწის ზედაპირის ტიპი
• ღრუბლიანობის დონე

როგორ თბება ჰაერი?

ალბათ, გაგიკვირდებათ, მაგრამ ჰაერს მზე არ ათბობს. ჰაერის ტემპერატურას განსაზღვრავს სიცხე, რომელიც დედამიწის ზედაპირიდან გამოდის, აირეკლება. სხვადასხვა ტიპის ზედაპირი სხვადასხვაგვარად შთანთქავს, ინახავს და ირეკლავს მზის ენერგიას. მაგალითად, რაც უფრო მუქია დედამიწის ზედაპირი, მით უფრო მეტ სითბოს ინარჩუნებს ის და შესაბამისად, მეტად ათბობს ჰაერს. მიწა ყველაზე მეტ სითბოს იღებს მზისგან, როდესაც მზის სხივი 90 გრადუსით ეცემა მასზე.

რა განსხვავებაა არსებულ ტემპერატურასა და ტემპერატურის მგრძნობელობას შორის?

ხშირად ამინდის პროგნოზში მოცემულია ორი მაჩვენებელი: ჰაერის ტემპერატურა და ტემპერატურის მგრძნობელობა (feels like temperature). როგორც წესი, ისინი ერთმანეთისგან რამდენიმე გრადუსით განსხვავდება.

ჰაერის ტემპერატურა კონკრეტული ფიზიკური სიდიდეა, რომელიც თერმომეტრით იზომება. ტემპერატურის მგრძნობელობა კი არის ინდიკატორი, რომელიც მოიცავს არა მხოლოდ ჰაერის ტემპერატურას, არამედ ტენიანობასა და ქარის სიჩქარესაც.

სწორედ ამიტომ ტანსაცმლის შერჩევისას ადამიანმა არა ჰაერის ტემპერატურა, არამედ მისი მგრძნობელობა უნდა გაითვალისწინოს.