თბილისი

მეცნიერების განცხადებით, ზაფხულის სეზონი იზრდება, რაც წელიწადის სხვა დროების მკვეთრად შემცირებას გამოიწვევს. თითქოს, სასიამოვნო სიახლეა, თუმცა შევხედოთ სხვა თვალითაც.

წინა თვის დასკვნების თანახმად, მეცნიერებმა აღმოაჩინეს კავშირი კლიმატის ცვლილებასა და ზაფხულის სეზონის ტემპერატურის ხანგრძლივობას შორის. ამ გათვლებით, 2100 წლისთვის, ჩრდილოეთ ნახევარსფეროში ზაფხული შეიძლება თითქმის ექვსი თვის განმავლობაში გაგრძელდეს. ეს ყველაფერი, რა თქმა უნდა, მავნე ზეგავლენას მოახდენს ადამიანის ჯანმრთელობასა და სოფლის მეურნეობაზე.

მეცნიერები აკვირდებოდნენ მონაცემებს 60 წლის განმავლობაში, მათ აღმოაჩინეს, რომ ზაფხული გაზრდილია საშუალოდ 78 – დან 95 დღემდე, ხოლო ზამთარი შემცირდა 76–73 დღემდე. NBC News– ის თანახმად, გაზაფხულისა და შემოდგომის სეზონებიც შემცირდა. მათი ვარაუდით, ზაფხული შეიძლება თითქმის ექვსი თვე გაგრძელდეს, ხოლო ზამთარი ორ თვეზე ნაკლებ დრომდე ჩამოვა.

სეზონების ასე არევა გამოიწვევს ისეთ პრობლემებს, როგორიც არის გარკვეული სახეობების მცენარეებისა თუ ცხოველების შემცირება, ან პირიქით - გამრავლება. სოფლის მეურნეობაც სერიოზული საფრთხის წინაშე დადგება, რაც გამოიწვევს საკვები პროდუქტების შემცირებას. ყოველივე, რაც კი შეიცვლება ირგვლივ, კი გავლენას მოახდენს ადმაინზე, რომელიც ბუნების მთავარი შედევრია. ამიტომაც, მეცნიერები მუდმივად ეძებენ გზებს, რომ ეს პრობლემა კაცობრიობამ თავიდან აიცილოს.