თბილისი

ანტარქტიდას 1 550 კვ.კმ მოცულობის, თითქმის ლონდონის ზომის აისბერგი გამოეყო. ყინულის შელფზე უზარმაზარი ბზარი, სახელად Chasm-1 ათეულობით წლის წინ გაჩნდა. ის წლების განმავლობაში ეტაპობრივად იზრდებოდა, თუმცა ჰქონდა პასიური პერიოდებიც. 2012 წელს სატელიტური დაკვირვებით დაფიქსირდა, რომ 35 წლიანი პასიური პერიოდის შემდეგ აისბერგის საბოლოო ფორმირება მოხდა.

უკანასკნელი ორი წლის განმავლობაში ეს უკვე მეორე გიგანტური აისბერგია, რომელიც ყინულის შელფს მოძვრა და წყალში მოძრაობა დაიწყო. 2021 წლის მაისში აისბერგი A-76 ჩამოიშალა ანტარქტიდის რონის ყინულის შელფიდან. იმ დროისთვის იგი იყო ყველაზე დიდი აისბერგი მსოფლიოში, თუმცა ერთი თვის განმავლობაში სამ დამოუკიდებელ ნაწილად დაიშალა.

გიგანტური აისბერგების წარმოქმნა გლობალური დათბობის ერთ-ერთი შედეგია.