თბილისი

ხშირად გაიგონებდით მარტის ნასესხები დღეების შესახებ. აპრილის ეს პერიოდი გამოირჩევა სიცივითა და ტემპერატურის ხშირი ცვალებადობით. ხალხურ შემოქმდებაში, არსებობს ერთი ძალიან სევდიანი ისტორია იმის შესახებ, თუ როგორ და რა მიზნით ისესხა მარტმა აპრილისაგან დღეები:

უხსოვარ დროში, იყო ერთი დედაბერი, რომელიც ცხვრის ფარასთან ერთად მარტო დარჩა. ისინი საკუთარი შვილებივით უყვარდა და უვლიდა. გარეთ მხოლოდ ზამთარში არ გამოდიოდა. თავის ფარასაც ბაკიდან არ უშვებდა. ეშინოდა, ასეთ ამინდში ქარს არ გაეტაცა.

ერთხელაც, ძალიან ცივი ზამთარი დადგა, ხანგრძლივ ყინვას კი ცხვრები ვერ გადაიტანდნენ. როგორც იქნა, გაზაფხული დადგა. ბუნება გამოცოცხლდა.

დედაბერმა მარტს უსაყვედურა, რომ დიდხანს ალოდინა, ცხვრები არ შეიცოდა და სიცივით გათოშა. მარტს ეს გაკიცხვა ეწყინა და გადაწყვიტა, კატალონიის პირენეის მთებში დარჩენილიყო და დედაბრისთვის სამაგიერო გადაეხადა. მაგრამ რას იზამდა მაშინ, როცა მისი ძმა აპრილი კარის ზღურბლთან იდგა. მაშინ მარტმა აპრილს უთხრა: „აპრილო, ძალიან გთხოვ, შენი სამი დღე მასესხე, აქ საქმეები დაუმთავრებელი მაქვს!“ – აპრილი დაეთანხმა. მარტმა მისი სამი დღე ისესხა. ისე აცივდა, თითქოს იანვარი მობრუნდა. ქარმა დედაბრის ნახევარი ფარა გაფანტა, მეორე ნახევარი თოვლით დაფარა. დედაბერს ერთი ცხვარიღა დარჩა. სახლში მალავდა, კერასთან ათბობდა, მაგრამ მარტს აჯობებდა? და დედაბერს უკანასკნელი ცხვარიც მოუკვდა. მარტის აპრილისაგან ნასესხები დღეებიც დამთავრდა.

დედაბერმა ასეთ დარდს ვეღარ გაუძლო, დაიძინა და ვეღარ გაიღვიძა. კატალონიის პირენეებში ამ დღეებს ახლაც „დედაბრის დღეებს“ ეძახიან.

მომდევნო 5 დღის ამინდის პროგნოზი იხილეთ აქ...