ბაკურიანი

ინტენსიური თოვისა და დაბალი ტემპერატურის გამო, საქართველოში საავტომობილო გზებზე პრობლემებია. საქართველოს საავტომობილო სპორტის ფედერაცია მოყინულ გზაზე მოძრაობისას გასათვალისწინებელ 10 რჩევას გთავაზობთ:

• სრულად გაასუფთავე ავტომობილი თოვლისგან (მათ შორის სახურავი);
• შეამოწმე საბურავების წნევა და დაუშვი 0.5 ატმოსფეროთი (ყველა უნდა იყოს ერთ ნიშნულზე);
• მოერიდე ყოველგვარ მკვეთრ მოქმედებას;
• დაიცავი სამჯერ მეტი დისტანცია;
• მუხრუჭის დროს თუ ჩაირთო ABS არ აუშვა მუხრუჭის სატერფულს (პედალს) ფეხი;
• აკონტროლე უკან მომავალი მანქანის დისტანცია;
• დაუთმე გზა ცენტრალურ ქუჩაზე გამომავალ მანქანებს (მისი საფარი უფრო მოყინულია);
• დაღმართზე არ აკრიფო ინერცია;
• თუ მოგისრიალდა გახსოვდეს, საბურავი ყოველთვის უნდა იყოს მიმართული იმ მხარეს საითაც გინდა, რომ წავიდეს მანქანა;
• თუ არ გიყენია თოვლის საბურავი, თავი შეიკავე მანქანით გადაადგილებისგან.

ფედერაცია ასევე გაფრთხილებთ, რომ M+S არ არის მოყინული გზის საბურავი თუ არ აწერია winter ან არ ახატია თოვლის ფიფქი.