English
Русский
ამინდი ადამიანების ხასიათსა და განწყობაზე დიდ გავლენას ახდენს. ამის შესახებ ყველას სმენია, თუმცა გავლენა უფრო დიდია, ვიდრე ერთი შეხედვით წარმოგვიდგენია.
მზის სხივები
სინათლე ორგანიზმში ბიოლოგიური ფუნქციების გააქტიურებას უწყობს ხელს. ის გავლენას ახდენს ძილის რეჟიმსა და ინსომნიასთან ბრძოლაზე, მეტაბოლიზმზე, ჰორმონების გამოყოფაზე, განწყობის ამაღლებაზე.
მზის სხივი პირდაპირ მოქმედებზე ტვინზე, ამაღლებს ორგანიზმში სეროტონინის დონეს. შედეგად ადამიანის გუნება-განწყობის ამაღლებას იწვევს. ისინი ვინც დროის დიდ ნაწილს დახურულ სივრცეში ატარებენ, დაქვეითებული განწყობით გამოირჩევიან. ამავე მიზეზით, ზამთრის პერიოდში ადამიანების გარკვეული ნაწილი დეპრესიისკენ არის მიდრეკილი.
წვიმა
წვიმის წვეთების ხმა ცნობილია, როგორც დამამშვიდებელი საშუალება. მეცნიერულად დადასტურებულია, რომ წვიმის წვეთების ხმა ქმნის ე.წ. „ვარდისფერ ხმაურს“, რომელიც ტვინის აქტივობას ამცირებს და ადამიანს მოდუნებისა და ჩაძინების საშუალებას აძლევს.
განსაკუთრებული სიცხე
როგორც უკვე ვთქვით, მზის სხივები ადამიანის განწყობაზე დიდ გავლენას ახდენს. თუმცა საინტერესოა, რა ხდება განსაკუთრებულად მაღალი ტემპერატურის დროს. მიუხედავად იმისა რომ ზაფხულის გაუსაძილს სიცხეში ყველა ქალაქგარეთ პიკნიკზე, ნაყინზე, ზღვის სანაპიროზე ფიქრობს, კვლევებით დადასტურებულია, რომ ამ დროს ადამიანი შეიძლება გახდეს უფრო აგრესიული, გაღიზიანებული და დეპრესიულიც კი.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.