თბილისი

მეტეოროლოგები ხშირად უშვებენ შეცდომებს ამინდის პროგნოზირებისას, მრავალი საუკუნის განმავლობაში, ბუნება, კერძოდ, ჩვენი პატარა მეგობრები, ეხმარებოდნენ ადამიანებს წინასწარ სცოდნოდათ მოსალოდნელი ამინდი. ექსპერტების აზრით, ცხოველების სულ მცირე 600 სახეობა და მცენარეთა 400 სახეობაა, რომლებსაც შეუძლიათ ამინდის, ქარიშხლებისა და კატასტროფების, მათ შორის, ტემპერატურის წინასწარმეტყველებაც კი. მაშ ასე, რამდენიმე მათგანია:

ჭიანჭველები

ყველამ იცის, რომ ამ პატარა არსებებისთვის მსუბუქი წვიმაც კი ნამდვილი კატასტროფაა. ამიტომ, გასაკვირი არ არის, რომ ჭიანჭველებმა ისწავლეს ამინდის ცვლილებებზე ძალიან სწრაფად რეაგირება. ისინი იმალებიან თავიანთ სახლში და კეტავენ ყველა შესასვლელ–გამოსასვლელს. იცავენ თავს წყლისგან.

ძროხები

რამდენიმე ათეული წლის წინ, ამინდის პროგნოზირება როდესაც მეცნიერულად შეუძლებელი იყო, ფერმერებმა დაიწყეს ძროხებზე დაკვირვება.

თუ ხედავთ, რომ რამდენიმე ძროხა სიამოვნებით წევს ბალახზე - აუცილებლად იწვიმებს. ისინი ცდილობენ ბოლომდე ისიამოვნონ მშრალი ადგილით, სანამ წვიმა დაიწყება.

მოსალოდნელ ქარიშხალამდე ძროხები ჯგუფდებიან, რათა თბილად და უსაფრთხოდ იყვნენ.

ბაყაყები

ბავშვობაში ალბათ ყველას გსმენიათ ბებიისგან, რომ ბაყაყები თუ ხმაურობენ, აუცილებლად იწვიმებს. გასაკვირია, მაგრამ ბაყაყები თითქმის არასდროს ცდებიან, როდესაც საქმე წვიმას ეხება.

მაგრამ რამდენიმე წლის წინ, გერმანიაში იპოვეს ბაყაყები, რომლებიც ტემპერატურის მატებასთან ერთად, ცდილობდნენ რაც შეიძლება მაღლა ასულიყვნენ. თუ მათ დიდ და მაღალ ქილაში ჩადებთ, ჩაუშვებთ კიბეს, ძალიან მოსახერხებელ ბარომეტრსაც მიიღებთ.

კატები

ეს ფუმფულა არსებები ძალიან მგრძნობიარენი არიან ატმოსფერული წნევის ცვლილებების მიმართ. ისინი უშეცდომოდ განსაზღვრავენ გაგრილებას ან დათბობას და წვიმის დაწყებამდე სიამოვნებით ატარებენ დროს თბილ გარემოში.

ნიანგები

ავსტრალიელმა მეცნიერებმა, ნიანგებზე დაკვირვებით დაადგინეს, რომ თუ ხანგრძლივი წვიმების სეზონია მოსალოდნელი, ქვეწარმავლები ბუდეებს ჩვეულებრივზე მეტად მაღლა აშენებენ.