თბილისი

„დედამიწის კრიოსფერო წითელ დროშას სწევს“ – ამ სათაურით მეტეოროლოგიის მსოფლიო ორგანიზაცია სტატიას აქვეყნებს. სტატიაში ვკითხულობთ, რომ გრენლანდიისა და ანტარქტიკის დაკარგული ყინულოვანი ნაწილების მოცულობა მზარდია. პროცესის გარდაუვალი შედეგია ოკეანეებსა და ზღვებში წყლის დიდი რაოდენობით დაგროვება, რაც სანაპიროებზე მცხოვრებ მოსახლეობას განსაკუთრებულ საფრთხეს უქმნის.

მეტეოროლოგიის მსოფლიო ორგანიზაცია ამ საკითხზე კონცენტრაციისა და აქტიური ქმედებისკენ მთელ მსოფლიოს მოუწოდებს.

1993 წლიდან ზღვის დონის მატების ტემპი გაორმაგდა. მიმდინარე წელს რეკორდული მატება დაფიქსირდა. 2020 წლის იანვრიდან დღემდე დონე 10 მმ–ით არის მომატებული. ზღვის დონის მატება პირველად სატელიტიდან 30 წლის წინ დაფიქსირდა. ძირითადი მიზეზი ყინულის მოტეხილი ნაწილების დნობაა.