ფოთი

9 ადამიანი დაიღუპა, 2 უგზო-უკვლოდ დაკარგულად ითვლება ძლიერი წვიმის შედეგად, რომელიც შრი-ლანკასა და სამხრეთ ინდოეთში თვის დასაწყისიდან დაიწყო. ბოლო რამდენიმე დღის განმავლობაში, შრი-ლანკის 25 ოლქის დაახლოებით ნახევარი, ძლიერი წყალდიდობის შედეგად დაზარალდა.

ყველაზე დიდი ზიანი ცენტრალური მაღალმთიან რეგიონზე მოდის. იქ 5 ადამიანი დაიღუპა, დაკარგულებიდან ორს ამ დრომდე ეძებენ. მეტეოროლოგებმა განაცხადეს, რომ უახლოეს დღეებში მეტი წყალდიდობაა მოსალოდნელი, განსაკუთრებით, ჩრდილოეთ სანაპიროზე, ქალაქ იაფნას მახლობლად.

სულ მცირე, 4 ადამიანი დაიღუპა ინდოეთის შტატ – ტამილ ნადუში, სადაც 6 ნოემბერს 215.3 მმ წვიმა მოვიდა. შტატის დედაქალაქ ჩენაიში, ქარიშხლის შედეგად, დაიტბორა მთავარი გზების უმეტესობა. სტიქიის შედეგად სულ მცირე 237 სახლი დაზიანდა. ხელისუფლებამ მოაწყო 150-ზე მეტი ბანაკი, წყალდიდობის შედეგად დაზარალებული მოსახლეობისთვის.