თბილისი

დივალის ფესტივალი, ინდოეთის მეგაპოლის, ნიუ-დელიში ჰაერის საშიში დაბინძურებით დასრულდა. ფესტივალის შემდეგ, ჰაერში ტოქსიკური ნაწილაკების შემაგდენლობამ წელს უმაღლეს დონეს მიაღწია.

ნიუ-დელიში ჰაერის ყველაზე ცუდი ხარისხია მსოფლიოს ნებისმიერ დედაქალაქთან შედარებით, ამ ყოველივეს კი დაემატა ფესტივალის დროს გამოყენებული ნივთიერებები და ზეიმი ჯანმრთელობისთვის საშიშ ფესტივალად გადაიქცა.

ჰაერის ხარისხის ინდექსმა (AQI) 500-იან სკალაზე 451-ს მიაღწია.დელიში, ქალაქში, სადაც თითქმის 20 მილიონი ადამიანი ცხოვრობს, პარასკევს PM2.5 საშუალოდ 706 მიკროგრამს შეადგენდა (AQI ზომავს ტოქსიკურ ნაწილაკებს, PM2.5 კონცენტრაციას კუბურ მეტრ ჰაერში).

PM2.5 ნაწილაკებმა შეიძლება გამოიწვიოს გულ-სისხლძარღვთა და რესპირატორული დაავადებები, მათ შორი, ფილტვის კიბოც კი. ინდოეთში ტოქსიკური ჰაერი ყოველწლიურად მილიონზე მეტ ადამიანს კლავს.