თბილისი

ვენესუელას შტატ მერიდაში ძლიერმა წვიმამ მეწყერი და მდინარეების ადიდება გამოიწვია, რასაც მინიმუმ 20 ადამიანის სიცოცხლე ემსხვერპლა, - ინფორმაციას Reuters-ი ავრცელებს.

გამოცემის ცნობით, შტატის გუბერნატორმა რამონ გუევარამ განაცხადა, რომ სტიქიის შედეგად განადგურებულია 1 200-ზე მეტი სახლი, რამდენიმე ქალაქი კი ელექტროენერგიის გარეშეა დარჩენილი.

ამ დროისთვის საგანგებო ოპერაციაში ჩართულია 80 მეხანძრე და სამოქალაქო დაცვის 60 თანამშრომელი. ამასთან, ხელისუფლებამ დაზარალებულ ტერიტორიებზე შეიარაღებული ძალების წევრები განალაგა.

ვენესუელას შინაგან საქმეთა მინისტრის, რემიგიო სებალოსის განცხადებით, მერიდას გარდა საგანგებო მდგომარეობა გამოცხადებულია კიდევ 8 შტატში.

წყარო: interpressnews.ge