თბილისი

იაპონიის მთავრობამ ჰიროშიმას პრეფექტურაში ძლიერი წვიმის გამო განგაშის უმაღლესი, მე-5, დონე გამოაცხადა.

მედიის ინფორმაციით, მთავრობამ ეს გადაწყვეტილება წყალდიდობისა და სხვა სტიქიების რისკის არსებობის გამო მიიღო.

მანამდე იაპონიის მთავრობამ მოსალოდნელი წყალდიდობისა და მეწყერის გამო ნაგასაკსა და კიუსიუს სხვა ნაწილებში მცხოვრებ ასობით ათასს მოქალაქეს ევაკუაციის რეკომენდაცია მისცა.

შექმნილი მდგომარეობის გამო იაპონიის მთავრობამ სტიქიასთან ბრძოლის ცენტრი გახსნა.

იაპონიის მეტეოროლოგიური სააგენტოს პროგნოზით, გადაუღებელი წვიმა იაპონიაში, სავარაუდოდ, კიდევ ერთ კვირას გაგრძელდება.

წყარო: interpressnews.ge