თბილისი

500 – ზე მეტი მეხანძრე იბრძოდა ღამით, ათენის გარეუბანში, ხანძრის ჩასაქრობად. ცეცხლმა სამშაბათს, 3 აგვისტოს, მიაღწია ქალაქის საცხოვრებელ უბნებს, რამაც ათასობით ადამიანი აიძულა დაეტოვებინათ თავიანთი სახლები.

საბერძნეთის სამოქალაქო დაცვის სამსახურის უფროსმა, ნიკოს ჰარდალიასმა განაცხადა, რომ ათენის ჩრდილოეთით გაჩენილი ხანძარი გამძაფრდა ძლიერი ქარისა და მაღალი ტემპერატურის გამო, რომელმაც მიაღწია 45 გრადუსს. დედაქალაქში კი ჰაერი +42 ° С- მდე გაათბო.

დაღუპულთა და დაშავებულთა შესახებ ინფორმაცია არ ვრცელდება, მაგრამ ხელისუფლების თქმით, ხანძრის შედეგად რამდენიმე შენობა დაზიანდა. ათენზე გაჩენილმა ხანძარმა კვამლის უზარმაზარი ღრუბელი წარმოშვა. ნაწილობრივ გადაიკეტა საბერძნეთის მთავარი მაგისტრალი, რომელიც აკავშირებს ქვეყნის ჩრდილოეთ და სამხრეთ ნაწილს.

ხანძარი მძვინვარებდა საბერძნეთის სხვა ნაწილებშიც, სამშაბათს საღამოს საბერძნეთში სულ 40 ხანძარი გაჩნდა. ხანძრების შედეგად დაზიანდა ელექტროგადამცემი კოშკები, რამაც გაზარდა დატვირთვა ელექტრო ქსელზე.