ონი

ძლიერმა წვიმამ, ბელგიის ნაწილში, კვლავ წყალდიდობა გამოიწვია. ოფიციალური პირების თქმით, დაზარალდა ნამურის პროვინციის მუნიციპალიტეტები, განსაკუთრებით ქალაქები - დინანი და ნამური.

ბელგიის კრიზისული ცენტრის ცნობით, მდინარე მეუსის ნაპირას მდებარე ქალაქ დინანში, ოცდაათი მანქანა წაიღო წყალმა, რამდენიმე ქუჩა გადაიკეტა. დატბორილი იყო დინანის სადგურიც. მეხანძრეებმა ათობით გამოძახება მიიღეს, ძირითადად დატბორილი სარდაფების შესახებ. ქალაქის ზოგიერთ ნაწილში წყალმომარაგება შეწყდა.

ნამურში ძლიერმა წვიმამ მეწყერი გამოიწვია. საჭირო გახდა მთელი რიგი სახლების სტაბილურობის შემოწმება. აღსანიშნავია, რომ წყალდიდობას კვლავ ელოდებიან.

ამავდროულად, 14-16 ივლისის წყალდიდობის შედეგად დადასტურდა, რომ გარდაიცვალა 36 ადამიანი და 7 ადამიანი ამ დრომდე დაკარგულად ითვლება.