ხობი

ინდოეთში წყალდიდობის მსხვერპლთა რიცხვი 127-მდე გაიზარდა. ბოლო რამდენიმე დღის განმავლობაში ქვეყნის დასავლეთ ნაწილში მუსონური წვიმების შედეგად მოსულმა უხვმა ნალექებმა წყალდიდობა და მეწყერი გამოიწვია. ადგილობრივი მედიის ინფორმაციით, დატბორილია ასობით სოფელი, შეჩერებულია სარკინიგზო მიმოსვლა. სამაშველო ოპერაციაში ეროვნული არმია, ფლოტი და ეროვნული ძალებია მობილიზებული. მაშველებმა 1 000-ზე მეტი ადამიანის გადარჩენა შეძლეს.

როგორც წესი, ინდოეთში მუსონური წვიმები ზაფხულის პერიოდშია, რა დროსაც წყალდიდობები ხშირია. თუმცა, მეტეოროლოგები აცხადებენ, რომ წელს ნალექების რაოდენობა შესამჩნევად არის გაზრდილი. ისინი ძლიერ წვიმას მომდევნო დღეებშიც ვარაუდობენ.

წყარო: interpressnews.ge