თბილისი

ჩინეთის ჰენანის პროვინციიდან წყალდიდობის გამო ათიათასობით ადამიანია ევაკუირებული, დაღუპულთა ოფიციალური რიცხვი კი - 33-მდე გაიზარდა, - ინფორმაციას Reuters-ი ავრცელებს.

სააგენტოს ცნობით, ამ დროისთვის 8 ადამიანი დაკარგულად ითვლება.

პროვინციის ამინდის ბიურომ ოთხი ქალაქისთვის შტორმის განგაშის უმაღლესი, წითელი დონე გამოაცხადა.

დაღუპულ ადამიანებს შორის არის 12 მოქალაქე, რომელიც პროვინციის დედაქალაქში მეტროს დატბორვის შედეგად დაიღუპა.

სტიქიამ გაანადგურა მოსავალი. ადგილობრივი მედიის ინფორმაციით, წინასწარი მონაცემებით, მიყენებული ეკონომიკური ზარალი დაახლოებით 189 მილიონ აშშ დოლარს შეადგენს.

წყარო: interpressnews.ge