თბილისი

ჩინეთის ჰენანის პროვინციაში ძლიერი წვიმის შედეგად გამოწვეული წყალდიდობის გამო 10 000-ზე მეტი ადამიანი თავშესაფრებში გადაიყვანეს, - ინფორმაციას BBC ავრცელებს.

გამოცემის ცნობით, ქალაქ ჩენჟოუში სტიქიას 12 ადამიანი ემსხვერპლა.

წყალდიდობამ პროვინციის ათზე მეტი ქალაქი დააზარალა, დაიტბორა ქუჩები, ავტომობილები, ჩაიკეტა მთავარი გზები, გაუქმდა ავიარეისები.

აღსანიშნავია, რომ ჰენანის პროვინციაში 94 მილიონამდე ადამიანი ცხოვრობს.

BBC წერს, რომ წყალდიდობას მრავალი ფაქტორი განაპირობებს, მაგრამ მათ შორის უპირველესია კლიმატის ცვლილებისგან გამოწვეული დათბობა.

წყარო: interpressnews.ge