სტამბული

შუა აღმოსავლეთში, ტემპერატურამ უკვე გადააჭარბა 50 გრადუსს. რამდენიმე ქვეყანამ დაამყარა ყველა დროის ეროვნული რეკორდი, რაც გულისხმობს იმას, რომ ზოგ ადგილას ტემპერატურამ 15 გრადუსით მოიმატა.

ხუთი ქვეყანა ახლა სითბური ტალღების ზემოქმედების ქვეშაა. ეს სითბური ტალღა ერთი თვის განმავლობაში გაჩნდა, სანამ მაღალი ტემპერატურა ჩვეულებრივ საშუალო წლიურ პიკს მიაღწევდა. ახლო აღმოსავლეთი უკვე ერთ-ერთი ყველაზე ცხელი რეგიონია მსოფლიოში.

50 გრადუსზე მეტ ტემპერატურას შეუძლია დეფორმაცია მოახდინოს სარკინიგზო ლიანდაგზე, შეარბილოს ასფალტი. მაღალი ტემპერატურა ყველაზე მეტ მსხვერპლს იწვევს, ვიდრე ცნობილი კატასტროფები, როგორიცაა ქარიშხალი, ტორნადო, წყალდიდობა და ხანძარი.

”შუა აღმოსავლეთი და შუა აზია წელიწადის ამ დროისთვის ისტორიაში შედიან როგორც ყველაზე ცხელი ადგილები” - წერს კლიმატის ისტორიკოსი, მაქს ჰერერა. მან ასევე აღნიშნა, რომ ტემპერატურის მატება შეინიშნებოდა ასევე მაღალ ადგილებში.

კვლევაც კი არსებობს, რომლის მიხედვითაც, შუა აღმოსავლეთის ნაწილები შეიძლება დაუსახლებელი გახდეს, რადგან ატმოსფერული ტემპერატურა იზრდება და ექსტრემალური მოვლენები ხშირდება.