თბილისი

ატლანტიკის აუზში წარმოქმნილმა ქარიშხალმა „მელისამ“ კარიბის რეგიონს სერიოზული ზიანი მიაყენა. სტიქიის შედეგად ყველაზე მეტად დაზარალდა იამაიკა, ჰაიტი და კუბა.

ქარიშხალი „მელისა“ ატლანტიკის ოკეანეში ჩამოყალიბდა ოქტომბრის შუა რიცხვებში და მალევე გაძლიერდა.

29 ოქტომბერს მისმა სიჩქარემ 250 კმ/სთ-ს მიაღწია და მეხუთე კატეგორიის დონის ქარიშხლად ჩამოყალიბდან. პირველი ძლიერი დარტყმა იამაკინის სამხრეთ სანაპიროზე დაფიქსირდა და სტიქიამ უდიდესი ზარალი გამოიწვია.

„მელისა“ ჰაიტისა და კუბას მიმართულებით გადაადგილდა, თუმცა მისი სიჩქარე თანდათან შემცირდა და სტიქია მესამე კატეგორიამდე დასუსტდა. მიუხედავად ამისა, ძლიერი წვიმებმა აღნიშნულ რეგიონებში მასშტაბური წყალდიდობა და მეწყერი გამოიწვია.

ოფიციალური მონაცემებით:

· ჰაიტიში გარდაცვლილია მინიმუმ 25 ადამიანი, ათობით კი დაკარგულად ითვლება;

· იამაკიაზე დაიღუპა 19 ადამიანი, ხოლო ასეულობით დაშავდა;

· საერთო ჯამში, კარიბის რეგიონში ქარიშხალს 50-მდე მსხვერპლი ჰყავს.

სამაშველო სამუშაოები გრძელდება, თუმცა გადაადგილება სირთულეს წარმოადგენს გზების დაზიანების გამო.

ქარიშხალმა მნიშვნელოვნად დააზიანა ინფრასტრუქტურა. იამაკის მოსახლეობის დაახლოებით 80% დროებით ელექტროენერგიის გარეშე დარჩა. დაზიანდა საავადმყოფოები, სკოლები, ხიდები… ეკონომიკური ზარალი შეფასებულია დაახლოებით 22 მილიარდ აშშ დოლარად.

რაც შეეხება ჰაიტის, აქ რამდენიმე ქალაქი მთლიანად დატბორა.

კუბაში ქარიშხალმა ნაკლები სიმძლავრით გადაიარა, თუმცა ადგილობრივად დაფიქსირდა ძლიერი ქარი და ელექტრომომარაგების შეფერხება.