თბილისი

შემოდგომა ბუნებაში გარდამავალი პერიოდია, როცა ზაფხულის სითბოს ნელ-ნელა ცივ დღეები ცვლის. ამ დროს განსაკუთრებული ყურადღება სჭირდება ეზოს ყვავილებს, რამ ზამთარი მარტივად გადაიტანონ. გთავაზობთ რამდენიმე რჩევას:

1.შემოდგომის დასაწყისში მნიშვნელოვანია მცენარეებს რეგულარულად მოაჭრათ გამხმარი ყვავილები და დაზიანებული ფოთლები. ეს მცენარეს ენერგიას შეუნარჩუნებს და სოკოვანი დაავადებების გავრცელებასაც შეაჩერებს.

2. ყვავილების გარშემო მიწა გააფხვიერეთ, რომ ფესვებს ჟანგბადი მიეწოდოს. შემოდგომაზე რეკომენდებულია ორგანული სასუქების ან კომპოსტის გამოყენება, რაც მცენარეს დამატებით ძალას მისცემს ზამთრის გადატანისთვის.

3. მიუხედავად იმისა, რომ შემოდგომა შედარებით ნოტიო სეზონია, ყვავილებს მაინც სჭირდება წყალი. თუმცა გადაჭარბებული მორწყვა არ არის სასურველი.

4. მრავალწლოვანი ყვავილებისთვის საჭიროა ფესვების სიცივისგან დაცვა . ამისთვის შეიძლება გემოიყენოთ ნიადაგის ზედაპირის დაფარვა ფოთლებით, ტორფით ან დანაწევრებული ქერქით.

5. ერთწლოვანი ყვავილები შემოდგომაზე უნდა მოიჭრას და ნარჩენები კომპოსტად გამოიყენოთ. ეს ნიადაგს უფრო სუფთად დატოვებს მომავალი სეზონისთვის.

6. შემოდგომა საუკეთესო პერიოდია ტიტების, ნარგიზების და იასამნის ბოლქვების დარგვისთვის. ისინი ზამთარში ფესვებს გაიმაგრებენ და გაზაფხულზე ლამაზად აყვავდებიან.

7. მცენარეების ფოთლებზე თუ შეამჩნევთ ლაქებს ან სოკოს ნიშნებს, უმჯობესია დროულად მოაცილოთ და გაანადგუროთ. ასევე შესაძლებელია სპეციალური ბიოლოგიური პრეპარატების გამოყენება.