ხარაგაული

ინდოეთში მეწყრის ჩამოწოლის შედეგად, სულ მცირე, 30 ადამიანი დაიღუპა, - ამის შესახებ ინფორმაციას სააგენტო Reuters-იავრცელებს.

Reuters-ის ცნობით, ძლიერმა წვიმამ ჩრდილოეთ ინდოეთის ოლქ ჯამუში მდებარე ინდუისტ მომლოცველთა ცნობილ გზაზე მეწყერი გამოიწვია.

ადგილობრივი ხელისუფლების განცხადებით, ძლიერი წვიმის შემდეგ მოსახლეობასთან კომუნიკაცია შეუძლებელი გახდა და შესაბამისი სამსახურები ტელეკომუნიკაციის სერვისების აღდგენას ცდილობენ.

შეგახსენებთ, გასულ კვირას ქაშმირში წყალდიდობას 60 ადამიანი ემსხვერპლა, ხოლო 200 ადამიანი დაკარგულად მიიჩნევა.

ჯამუს ოლქის ოფიციალურმა წარმომადგენელმა, რაკეშ კუმარმა, ჟურნალისტებს განუცხადა, რომ მდინარეები ტავი, ჩენაბი და ბასანტარი ადიდდნენ, რამაც დაბლობ რაიონებში წყალდიდობა გამოიწვია.

ინტერნეტში გავრცელებულ კადრებში ჩანს, ხიდის ჩანგრევის შემდეგ, როგორ ვარდებიან მანქანები მდინარე ტავიში, ასევე დაზიანდა ჯამუს ინდოეთის დანარჩენ ნაწილთან დამაკავშირებელი რამდენიმე გზატკეცილი.