ბუდაპეშტი

როდესაც ტემპერატურა მატულობს, ჩვენს ორგანიზმს ზედმეტი მუშაობა უწევს, რომ გაგვაგრილოს. ოფლიანობა ეხმარება ტემპერატურის რეგულირებას, მაგრამ ამავდროულად, გვაკლებს წყალსა და ელექტროლიტებს, ამიტომ გაძლიერებული ჰიდრატაციაა საჭირო. ამ პროცესში კი ძალიან დიდი როლი აქვს საკვებს. ზაფხულის საუკეთესო საკვები ისაა, რაც გვინარჩუნებს სითხეს ორგანიზმში, გვაძლევს ენერგიას და თავს მსუბუქად გვაგრძნობინებს.

გთავაზობთ რამდენიმე პროდუქტს, რომელიც ზაფხულის ცხელი დღეებისთვის იდეალურია:

1. საზამთრო - მისი შემადგენლობის 90%-ზე მეტი წყალია. შეიცავს C ვიტამინს და აქვს ბუნებრივი სიტკბო ზედმეტი შაქრის გარეშე. შეგიძლიათ მიირთვათ დამოუკიდებლად, ასევე ძალიან უხდება სალათს ფეტათასა და პიტნასთან ერთად. იდეალურია გახეხილი ცივი სასმლის სახით.

2. კიტრი - შეიცავს ბევრ წყალს, მსუბუქია კუჭისთვის და კალიუმის კარგი წყარო. ის ძალიან უხდება სხვადასხვა სალათსა და სოუსს.

3. პომიდორი - ორგანიზმს ეხმარება სითხის შენარჩუნებაში. იდეალურია როგორც სალათებში, ისე კერძებში.

4. მწვანე ფოთლები, მაგალითად, სალათის ფურცელი ან ისპანახი - მსუბუქია, საკვები ნივთიერებებით მდიდარია. ასევე შეიცავს მაგნიუმს, რომელიც აძლიერებს კუნთების მუშაობას სიცხეში. შეგიძლიათ მიირთვათ ცივ სალათებში, მწვანე სმუზიში.

5. ციტრუსები - ფორთოხალი, გრეიფრუტი, ლიმონი და სხვა ციტრუსები შეიცავს ვიტამინებს, რომლებიც ამაგრებს იმუნიტეტს, ხოლო მჟავე გემო სასიამოვნო სიგრილის შეგრძნებას ანიჭებს. შეგიძლიათ დაამატოთ წყალს და დღის განმავლობაში დალიოთ.

6. კენკრა -მარწყვი, მოცვი, ჟოლო ანტიოქსიდანტებით მდიდარი და ბუნებრივად გამაგრილებელი პორდუქტებია. ისინი დიდი რაოდენით სითხეს შეიცავს და თან მსუბუქია. შეგიძლიათ გაყინოთ და ნაყინის სახითაც მიირთვათ.

გაითვალისწინეთ, ზაფხულში მძიმე და ცხიმიანი საკვები ორგანიზმს უფრო მეტად ათბობს. აირჩიეთ მსუბუქი კერძები სითხის მაღალი შემცველობით და გამოიყენეთ ბევრი ახალი მწვანილი და სეზონური ბოსტნეული. მიირთვით ბევრი სუფთა წყალი და მოერიდეთ ზედმეტ კოფეინსა და ალკოჰოლს, რომლებიც ხელს უწყობს გაუწყლოებას.