ბუდაპეშტი

ევროპაში წლიდან წლამდე ზაფხულის სიცხე სულ უფრო გაუსაძლისი ხდება. გახშირებულია მაღალი ტემპერატურით გამოწვეული ხანძრები. სიცხის შედეგად რამდენიმე ადამიანი გარდაიცვალა კიდეც.

გაგაცნობთ ქვეყნებს ევროპაში, სადაც გასულ კვირაში ყველაზე მაღალი ტემპერატურა დაფიქსირდა:

1. ესპანეთი - ესპანეთი კვლავ სიცხის ტალღის ეპიცენტრშია. ტემპერატურა რეგულარულად 40 °C-ს აჭარბებს. აღსანიშნავია, რომ ქვეყნის სამხრეთ-დასავლეთით ტემპერატურა 46 °C-მდეც ავიდა.

2. პორტუგალია - ასევე გაუსაძლის სიცხეს ებრძვის პორტუგალიაც, სადაც ზაფხულის დასაწყისში 46-47 °C ფიქსირდებოდა. ახლა შედარებით დაიკლო ტემპერატურამ, თუმცა ქვეყანაში კვლავ განსაკუთრებული სიცხეა. ქვეყანაში რამდენიმე ხანძარიც გაჩნდა.

3. საფრანგეთი - საფრანგეთი რეკორდულ სიცხეს ებრძვის. მიმდინარე ზაფხულს ბორდოსა და ბერჟერაკში ტემპერატურა საშუალოზე 12 °C-ით მაღალი იყო.სამხრეთ რეგიონებში ტემპერატურა 43 °C-მდეც ავიდა.

4. საბერძნეთი - საბერძნეთი უმკლავდება ერთდროულად რამდენიმე გამოწვევას — ქვეყნის ისტორიაში ყველაზე ხანგრძლივ სიცხის ტალღას და ხანძრებს. რამდენიმე კუნძულზე მოსახლეობის ევაკუაციაც კი გახდა საჭირო.