თბილისი

ზაფხული საქართველოში თბილი და მზიანია, თუმცა წელს ტემპერატურა ისეთი მაღალია, რომ ქალაქში დარჩენა ნამდვილ გამოწვევად იქცევა. შვებულებისა თუ დასვენების დღეების გასატარებლად რამდენიმე ისეთ მიმართულებას გთავაზობთ, სადაც ზაფხულის სიცხისგან თავის დაღწევას მარტივად შეძლებთ.

ბახმარო

გურიის მაღალმთიანეთში მდებარე ბახმარო ზაფხულში იდეალური ადგილია თავისი სუფთა ჰაერითა და სიგრილით. აგვისტოში აქ სპორტული ღონისძიებებიც ტარდება, რაც კურორტს კიდევ უფრო საინტერესოს ხდის.

ბორჯომი

ბორჯომის ხეობა არა მხოლოდ სამკურნალო მინერალური წყლებით, არამედ ზაფხულში საოცრად გრილი ჰაერითაცაა ცნობილი. ბორჯომის ცენტრალურ პარსა თუ ბორჯომ-ხარაგაულის ეროვნულ პარკში სეირნობა ნამდვილად აგავსებით პოზიტივითა და სიგრილით.

შოვი

რაჭის რეგიონში მდებარე შოვი ზღვის დონიდან დაახლოებით 1600 მეტრზეა და ზაფხულშიც კი აქ ჰაერის ტემპერატურა ხშირად +20°C-ზე არ აღემატება. მდინარეების, სუფთა წყაროებისა და წიწვოვანი ტყეების გარემო იდეალურია სასიამოვნო დასვენებისთვის.

სვანეთი

მესტია, უშგული და ულამაზესი მწვერვალები საშუალებას მოგცემთ დაისვენოთ და ამავდროულად, ისტორიული და კულტურული მემკვიდრეობა შეიგრძნოთ.

მთიანი აჭარა

აჭარის მთიანეთი, გოდერძის უღელტეხილი ან ხულო, ზაფხულში გრილი და სუფთა ჰაერით გამოირჩევა. აქ შეგიძლიათ დაათვალიეროთ ხის ძველი ხიდები, მოინახულოთ „მწვანე“ და „შავი“ ტბა ან უბრალოდ ისიამოვნოთ მთის ხედებით.

თუშეთი

თავისი ულამაზესი სოფლებით, შუაგულ ზაფხულშიც კი სიგრილეს ინარჩუნებს. აქ მოხვედრაც კი უკვე თავგადასავალია.