თბილისი

ავსტრალიის ქალაქ პერთში, პრესტიჟულ უბან City Beach-ს მოულოდნელი ქარიშხალი დაატყდა თავს. მან ფაქტობრივად ტორნადოს სისწრაფით ჩაუარა ქალაქს და საკმაოდ დიდი ზიანი მოუტანა.

City Beach გახლავთ მდიდრული საცხოვრებელი უბანი, სადაც ძალიან ძვირადღირებული ვილები მდებარეობს. დაზიანებულია არაერთი სახლი. ზოგიერთ მათგანის სახურავი მთლიანად ჩაინგრა. დაფიქსირდა სახურავის სრულად მოწყვეტის შემთხვევებიც.

პარალელურად ამ დროს მსოფლიოს დიდი ნაწილი უპრეცედენტო სიცხეს ებრძვის. განსაკუთრებით მაღალი ტემპერატურა ფიქსირდება სამხრეთ ევროპის ქვეყნებში. კვიპროსი ებრძვის ხანძარს, რომლის გავრცელებასაც ხელს განსაკუთრებული სიცხე უწყობს.