თბილისი

ბოლო წლების განმავლობაში გაერთიანებულ სამეფოში კლიმატური პირობები მკვეთრად შეიცვალა. ქვეყანა, რომელიც წლების მანძილზე ზომიერი და წვიმიანი ამინდით გამოირჩეოდა, ახლა სულ უფრო ხშირად ფიქსირდება გაუსაძლისი სიცხეები და სითბური ტალღები.

გაერთიანებული სამეფოს მეტეოროლოგიური სამსახურისა და სხვა კლიმატური ინსტიტუტების მიხედვით:

· წლების განმავლობაში დღეების რაოდენობა, როცა ტემპერატურა ისტორიულ საშუალო მაჩვენებელზე 5°C ან 10°C-ით მეტია, ორმაგდება, სამმაგდება და ოთხმაგდება 1961–1990 წლების მონაცემებთან შედარებით.

· ქალაქებში, როგორიცაა ლონდონი, მანჩესტერი ან ედინბურგი, 30°C-ზე მეტი ტემპერატურა უკვე ჩვეულებრივ მოვლენად იქცა.

· 2022 წელს გაერთიანებულ სამეფოში პირველად დააფიქსირა ტემპერატურა 40°C-ზე მაღლა. მას შემდეგ ეს მაჩვენებელი ყოველწლიურად მეორდება.

· ღამეების რაოდენობა, როცა ტემპერატურა არ ჩამოდის 20°C-ზე ქვემოთ, ე.წ. „ტროპიკული ღამეები“ მნიშვნელოვნად გაიზარდა.

აღსანიშნავია, რომ ქვეყნის ინფრასტრუქტურა არ არის მზად ხანგრძლივი სიცხისთვის. დაფიქსირდა შემთხვევები, როდესაც სიცხის შედეგად რკინიგზის ლიანდაგები დეფორმირდა, ასფალტი დაზიანდა, ელექტროქსელები გადაიტვირთა კონდიციონერების გაზრდილი მოხმარების გამო.

პრობლემები ექმნებათ ფერმერებსაც. ნალექის არასტაბილურობისა და გვალვის გამო მათ მიღებული ზიანი საკმაოდ დიდია. გავრცელდა გარკვეული სახეობის მავნებლები.

გლობალური დათბობა აღარ არის მომავალის საფრთხე. ეს რეალობაა, რომელზეც ზრუნვაც მთელმა მსოფლიომ დაუყოვნებლივ უნდა დაიწყოს.