English
Русский
როდესაც ტემპერატურა 35 გრადუსს აცდება, ძალიან მარტივად შეიძლება მიიღოთ მზის დარტყმა. ამ მდგომარეობას სწრაფი რეაგირება სჭირდება.
მზის დარტყმა, იგივე ჰიპერთერმია, სხეულის გადახურების შედეგია. ის ხშირად ვითარდება, როცა ადამიანი დიდხანს იმყოფება მზის პირდაპირ სხივებში, განსაკუთრებით მაშინ, როცა ჰაერის ტემპერატურა მაღალია და ორგანიზმი ვერ ახერხებს ზედმეტი სითბოს განდევნას.
როგორ ამოვიცნოთ მზის დარტყმა?
მზის დარტყმის სიმპტომები შეიძლება თანდათანობით განვითარდეს, ან მოულოდნელად გამოავლინოს თავი. ყველაზე გავრცელებული ნიშნებია: ძლიერი თავბრუსხვევა და სისუსტე, თავის ტკივილი, გულისრევა ან ღებინება, კანის სიწითლე, განსაკუთრებული სიმხურვალე, ბუნდოვნების შეგრძნება და ხშირ შემთხვევაში გონების დაკარგვაც კი.
როგორ მოვიქცეთ მზის დარტყმის შემთხვევაში?
პირველ რიგში, გადაიყვანეთ ადამიანი ჩრდილში ან გრილ ადგილას. გახადეთ მჭიდროდ მომდგარი ტანსაცმელი და ჩააცვით მაქსიმალურად მსუბუქად, რომ სხეულმა გაგრილება შეძლოს. დაშავებული დააწვინეთ ზურგზე, თავი ოდნავ ზემოთ. თუ გონება არ დაუკარგავს, დაეხმარეთ წყლის დალევაში. დაადეთ სველი პირსახოცები შუბლზე, კისერზე, იღლიებთან და საზარდულთან. ეს არის ადგილები, სადაც სითბო ყველაზე სწრაფად იშლება. მზის დარტყმა არის პოტენციურად სახიფათო მდგომარეობა, ამიტომ თუ სიმპტომები ძლიერდება ან გრძელდება, აუცილებლად გამოიძახეთ სამედიცინო დახმარება.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.