თბილისი

საბერძნეთში ძლიერ წყალდიდობას ებრძვიან. ბოლო ორი დღის განმავლობაში ქვეყნის რამდენიმე კუნძულზე ძლიერი წვიმა და სეტყვა დაფიქსირდა, რამაც სერიოზული წყალდიდობები გამოიწვია და ქვეყანას დიდი ზიანიც მიაყენა.

ნალექმა განსაკუთრებით რამდენიმე კუნძული დააზიანა. მათ შორისაა: პაროსი, მიკონოსი, კრეტა და როდოსი.

კუნძულ პაროსზე 80 მმ-მდე ნალექი მოვიდა მოკლე პერიოდში. შედეგად დაიტბორა ქუჩები, მანქანები წყალმა წაიღო. სოფელ ნაოუსაში მდინარე კალაპოტიდან გადმოვიდა. საგანგებო სამსახურის წარმომადგებლებმა 13 ადამიანის სიცოცხლე გადაარჩინეს.

ძლიერი წვიმა და სეტყვა დაფიქსირდა მიკონოსზეც, რადაც ქუჩები დაიტბორა და ინფრასტრუქტურა დაზიანდა.

კრეტაზე, განსაკუთრებით ხანიას პორტში, ბოლო 24 საათში ყველაზე მეტი ნალექი დაფიქსირდა. მაშველებმა გადაარჩინეს 7 ადამიანი, რომლებიც მანქანებში იყვნენ ჩარჩენილი წყალდიდობის გამო.

როდოსზე ძლიერი ქარისა და წვიმის შედეგად წაიქცა რამდენიმე ხე და დაზიანდა მანქანები.

ამინდის გაუარესებამ გამოიწვია სკოლების დახურვა და ტრანსპორტის შეფერხება. ადგილობრივი ხელისუფლება და საგანგებო სამსახურები აგრძელებენ მუშაობას ზარალის აღმოსაფხვრელად და მოსახლეობის დასახმარებლად.