Боржоми

ევროპის დიდ ნაწილში ზამთარი შედარებით რბილად დაიწყო, თუმცა სინოპტიკოსები მოსახლეობას სერიოზული საფრთხის შესახებ აფრთხილებენ. მეტეოროლოგები აცხადებენ, რომ უახლოეს დღეებში კონტინენტს ე.წ. „არქტიკული შოკი“ დაატყდება თავს. ცივი ჰაერის მასების მასიურმა შემოჭრამ შესაძლოა თებერვალი ბოლო ათწლეულის ერთ-ერთ ყველაზე მკაცრ თვედ აქციოს.

მოვლენის მთავარი მიზეზი სტრატოსფერული დათბობის ფენომენია. ეს არის პროცესი, როდესაც არქტიკის თავზე, მაღალ სიმაღლეებზე, ჰაერის ტემპერატურა მკვეთრად იმატებს, რაც ცივი ჰაერის მასებზე ცუდად მოქმედებს. შედეგად, ყინვები, რომლებიც აქამდე ჩრდილოეთ პოლუსზე იყო "ჩაკეტილი", სამხრეთით, ევროპისკენ დაიძვრება.

ციკლონი ევროპას რამდენიმე მიმართულებით შეუტევს.

ესპანეთი და ხმელთაშუაზღვისპირეთი: აქ ვითარება ყველაზე დრამატულია. ქვეყნის დიდ ნაწილში უკვე გამოცხადებულია ექსტრემალური ამინდის ნარინჯისფერი და წითელი გაფრთხილება. მოსალოდნელია ტემპერატურის ვარდნა იქაც კი, სადაც თოვლი იშვიათობაა.

პოლონეთი და ბალტიისპირეთი: ბალტიის ზღვის სანაპიროებზე ყინვამ უკვე მიაღწია იმ ნიშნულს, რომ წყლის ზედაპირი ზოგან გაიყინა. სინოპტიკოსები ვარაუდობენ, რომ ტემპერატურა -20°C-დან -25°C-მდე დაეცემა.

ბრიტანეთი და საფრანგეთი: მოსალოდნელია ძლიერი ქარი და ინტენსიური დიდთოვლობა, რამაც შესაძლოა სატრანსპორტო მაგისტრალებისა და აეროპორტების პარალიზება გამოიწვიოს.

მიუხედავად იმისა, რომ „არქტიკული შოკი“ პირველ დარტყმას დასავლეთ და ცენტრალურ ევროპას აყენებს, მეტეოროლოგები არ გამორიცხავენ, რომ ცივი მასების ნაწილმა კავკასიამდეც მოაღწიოს. ამ ეტაპზე საქართველოში შენარჩუნებულია შედარებითი სითბო, თუმცა თებერვლის მეორე ნახევარში ამინდის მკვეთრი გაუარესება მოსალოდნელია.