Тбилиси

შე­იძ­ლე­ბა ეს კვერ­ცხის ფორ­მის სტრუქ­ტუ­რა იყოს ინ­დო­ე­ლი ას­ტრო­ნავ­ტე­ბის მო­მა­ვა­ლი სახ­ლი მთვა­რე­სა თუ მარსზე? - აღ­ნიშ­ნულ კი­თხვას Habitat-1 - შე­მოკ­ლე­ბით Hab-1 პა­სუ­ხობს, რო­მე­ლიც არის ინ­დო­ე­თის კოს­მო­სუ­რი სა­ა­გენ­ტო Isro-ს პირ­ვე­ლი მი­სია. ის ას­ტრო­ნავ­ტებს ჰი­მა­ლა­ის მთებ­ში, კოს­მო­სუ­რი პი­რო­ბე­ბის სი­მუ­ლა­ცი­ა­ში აცხოვ­რებს და მო­მა­ვა­ლი, რე­ა­ლუ­რი მი­სი­ე­ბის­თვის ამ­ზა­დებს.

ინ­დო­ეთ­ში, კერ­ძოდ გუ­ჯა­რათ­ში და­ფუძ­ნე­ბუ­ლი კომ­პა­ნია Aaka-ს კოს­მო­სურ­მა არ­ქი­ტექ­ტორ­მა კაჩა ჯა­ლამ BBC-ს გა­ნუ­ცხა­და, რომ ეს სი­მუ­ლა­ცი­ე­ბი ხელს უწყობს პრობ­ლე­მე­ბის იდენ­ტი­ფი­ცი­რე­ბას და გა­დაჭ­რას, რაც ას­ტრო­ნავ­ტებ­სა და აღ­ჭურ­ვი­ლო­ბას შე­იძ­ლე­ბა კოს­მოს­ში შე­ექ­მნას.

რაც შე­ე­ხე­ბა კოს­მო­სურ სახ­ლს, ის დამ­ზა­დე­ბუ­ლია სპე­ცი­ა­ლუ­რი მა­სა­ლის­გან, აქვს სა­წო­ლი, გა­საშ­ლე­ლი უჯრა, პირ­ვე­ლა­დი დახ­მა­რე­ბის ნაკ­რე­ბი, სამ­ზა­რე­უ­ლო და ტუ­ა­ლე­ტი. ას­ტრო­ნავტმა სი­მუ­ლა­ცი­ა­ში, ამ კომ­პლექსში სამი კვი­რა იცხოვ­რა.

"Hab-1 შექ­მნი­ლია იმ იდე­ით, რომ მთვა­რე­ზე ან მარსზე სივ­რცე ძა­ლი­ან შე­ზღუ­დუ­ლი იქ­ნე­ბა. ას­ტრო­ნავტს ასე­ვე ექ­ნე­ბათ ძა­ლი­ან ცოტა წყა­ლი, ამი­ტომ ჩვენ და­ვაპ­რო­ექ­ტეთ მშრა­ლი ტუ­ა­ლე­ტი. დავ­ნერ­გეთ ნარ­ჩე­ნე­ბის სა­თა­ნა­დო გან­თავ­სე­ბის სის­ტე­მა და უზ­რუნ­ველ­ყა­ვით უსუ­ნო გა­რე­მო", - თქვა კაჩა-ჯა­ლამ.

აღ­ნიშ­ნუ­ლი სი­მუ­ლა­ცია უფრო მნიშ­ვნე­ლო­ვა­ნი ხდე­ბა იმ ფონ­ზე, რომ ინ­დო­ე­თი თა­ვი­სი პირ­ვე­ლი ას­ტრო­ნავ­ტე­ბის კოს­მოს­ში გაგ­ზავ­ნის­თვის ემ­ზა­დე­ბა. მი­სია გეგ­მავს სამი ას­ტრო­ნავ­ტის გან­თავ­სე­ბას დე­და­მი­წის და­ბალ ორ­ბი­ტა­ზე, 400 კმ სი­მაღ­ლე­ზე სამი დღის გან­მავ­ლო­ბა­ში. თუ ყვე­ლა­ფე­რი გეგ­მის მი­ხედ­ვით წა­რი­მარ­თე­ბა, მი­სია მო­მა­ვალ წელს და­ი­წყე­ბა.

ინ­დო­ე­თი ასე­ვე გეგ­მავს 2035 წლის­თვის თა­ვი­სი პირ­ვე­ლი კოს­მო­სუ­რი სად­გუ­რის შექ­მნას და 2040 წლის­თვის მთვა­რე­ზე ადა­მი­ა­ნის გაგ­ზავ­ნას. ლა­და­ქის უნი­ვერ­სი­ტე­ტის მეც­ნი­ე­რე­ბის ფა­კულ­ტე­ტის დე­კა­ნის პრო­ფე­სორ სუ­ბარტ შარ­მას გან­ცხა­დე­ბით, და­სავ­ლეთ ჰი­მა­ლა­ი­სა და ინ­დო­ე­თის ჩრდი­ლო-აღ­მო­სავ­ლეთ სა­ზღვარ­თან მდე­ბა­რე მთი­ა­ნი უდაბ­ნო ლა­და­ქი ექ­სპე­რი­მენ­ტის­თვის სპე­ცი­ა­ლუ­რად შე­ირ­ჩა, რად­გან “გე­ოგ­რა­ფი­უ­ლად, მისი კლდო­ვა­ნი, უნა­ყო­ფო რე­ლი­ე­ფი და ნი­ა­და­გი მარ­სის ან მთვა­რის ზე­და­პირს ჰგავს".