ქართული
English
მანამ, სანამ შეიქმნებოდა სპეციალური დანადგარები, ჩვენი წინაპრები ყურადღებით აკვირდებოდნენ ყველაფერს, რაც ხდებოდა ბუნებაში - ფრინველებიდან დაწყებული, ღრუბლების ფორმით დამთავრებული და ამინდის პროგნოზირებისთვის იყენებდნენ. შესაბამისად, ამასთან დაკავშირებით, შემოგვრჩა ძალიან ბევრი ფოლკლორული გამოთქმა.
თუ მამალი ყივის ძილის წინ, შეიძლება დილით წვიმა დაგხვდეთ
ადამიანებმა დააფიქსირეს, რომ მოახლოებული ქარიშხალი ფრინველებს მოუსვენარს ხდიდა და მამლის მოუსვენრობაც ამინდის მკვეთრ ცვლილებასთან ასოცირდებოდა.
თუ ჩიტები დაბლა დაფრინავენ, ელოდეთ წვიმას
ჰაერის წნევის ვარდნა იწვევს ჰაერის დამძიმებას, რაც ართულებს ფრინველების ფრენას მაღალ სიმაღლეებზე. როდესაც ფრინველები დაბლა დაფრინავენ, დარწმუნებული იყავით, რომ ამინდი მკვეთრად შეიცვლება. თუმცა ეს მხოლოდ დიდ ნალექებს და ქარს არ ეხება - ზამთრის ამინდმაც შეიძლება ასევე გამოიწვიოს ფრინველების დაბლა ფრენა.
სადენებზე ჩამწკრივებული ჩიტები წინასწარმეტყველებენ წვიმის მოსვლას
ეს ძველი გამონათქვამი ხშირად სადავოა, რადგან შეიძლება ჩიტები ასე უბრალოდ ისვენებენ და სულაც არ მიუთითებენ რაიმე სახის ცუდი ამინდის მოახლოვებას. მაგრამ იმ შემთხვევაში, თუ თქვენს ირგვლივ ჩიტების რაოდენობა მოულოდნელად მკვეთრად გაიზრდება, ეს მეტწილად ნიშნავს წვიმის მოსვლას.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.