ქართული
English
კუბაში ძლიერი წვიმის შედეგად სამი ადამიანი დაიღუპა და ათობით სახლი დაინგრა. ამის შესახებ სააგენტო Prensa Latina იუწყება. აღნიშნულია, რომ ძლიერმა წვიმამ და წყალდიდობამ მოიცვა კუბის დასავლეთი ნაწილი, მათ შორის პინარ დელ რიოს, სანქტი სპირიტუსის და ისლა დე ლა იუვენტუდის მუნიციპალიტეტები. დაახლოებით 2 ათასი ადამიანი იძულებული გახდა დაეტოვებინა სახლები.
გავრცელებული ინფორმაციით, ორი ადამიანი დაიღუპა კუბის დედაქალაქ ჰავანაში, მესამე კი პინარ დელ რიოს მუნიციპალიტეტში. ადგილობრივი ხელისუფლების ცნობით, წყალდიდობის შედეგად ჰავანაში დაახლოებით 50 000 მცხოვრები ელექტროენერგიის გარეშე დარჩა. მეტეოროლოგებმა აღნიშნეს, რომ კუბაში წვიმა გამოიწვია ქარიშხალმა აგატამ, რომელმაც განსაკუთრებული ზიანი მიაყენა სამხრეთ მექსიკას.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.