ქართული
English
ნორვეგიაში რამდენიმე საოცარი ბუნებრივი მოვლენაა და რთულია აარჩიო რომელია საუკეთესო. შუაღამის მზე, როგორც ჩანს, ყველაზე მეტად იზიდავს ტურისტებს. რა არის ეს მომხიბლავი ფენომენი?
შუაღამის მზე არის ბუნებრივი მოვლენა. დედამიწის ღერძული დახრილობის გამო, მზე გარკვეული პერიოდით არ ჩადის ამ ადგილებში. ეს ნიშნავს, რომ გარკვეული პერიოდის განმავლობაში (ხანგრძლივობა დამოკიდებულია იმაზე, თუ რამდენად ახლოს ხართ პოლუსთან) მზე არ ჩადის. შედეგად, 24 საათის განმავლობაში დღეა. ზოგიერთ რეგიონში ამ მოვლენას პოლარული დღეს უწოდებენ.
სად შეგიძლიათ ნახოთ შუაღამის მზე ნორვეგიაში?
გავრცელებულია მცდარი შეხედულება იმის შესახებ, რომ ნორვეგიაში შუაღამის მზე შეგიძლიათ ნახოთ ნებისმიერ ადგილას, სადაც არ უნდა წახვიდეთ. სამწუხაროდ, ეს ასე არ არის.
ზაფხულში მთელი დღე ნორვეგიაში გრძელია. მაგალითად, ოსლოში მზის ჩასვლა საღამოს 11 საათამდე გრძელდება და მზის ამოსვლა ივნისსა და ივლისში დილის 3 –4 საათიდან იწყება, შედეგად, დღის სინათლე დაახლოებით 19 საათს შეადგენს. ამიტომ, ეს პერიოდი პოლარულ დღედ არ ითვლება, რადგან რამდნეიმე საათი ჩვეულებრივ ღამეა.
შუაღამის მზის ფენომენი მხოლოდ ნორვეგიის ჩრდილოეთ ნაწილებში ხდება. რაც უფრო ჩრდილოეთით წახვალთ, მით უფრო გრძელი იქნება ღამეები.
შუაღამის მზე დიდ გავლენას ახდენს ადგილობრივ მოსახლეობაზე. ადამიანები უფრო ენერგიულები არიან. როგორც ჩანს, ამ პერიოდში არც მშობლები აკონტროლებენ მკაცრად ბავშვების ძილის დროს. გრძელი და ბნელი ზამთრის შემდეგ ისინი მაქსიმალურად იყენებენ ამ ნათელ პერიოდს.
რისი გაკეთება შეგიძლიათ შუაღამის მზით დროს, ჩრდილოეთ ნორვეგიაში ?
ადგილობრივი მოსახლეობისა და ტურისტებისთვის ყველაზე პოპულარული საქმიანობა ლაშქრობაა. ჩრდილოეთ ნორვეგიის პეიზაჟები ერთდროულად დრამატული და ლამაზია. შეგიძლიათ გაისეირნოთ ულამაზესი პლაჟების გასწვრივ, ან მოაწყოთ რთული ლაშქრობა ერთ-ერთი დიდებულ მწვერვალზე, საიდანაც ულამაზესი ხედები გადაგეშლებათ.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.