ქართული
English
საუდის არაბეთის ჩრდილო-დასავლეთით ტაბუკას მთები 1-ელი იანვრის დილით თოვლით დაიფარა. სინოპტიკოსები ამას ტემპერატურის მკვეთრი დაცემით ხსნიან.
ადგილობრივები თოვლის მოსვლას სიმღერითა და ცეკვით შეხვდნენ. თოვლის სანახავად სამეფოს სხვა რეგიონიდანაც ჩავიდნენ.
ეს მოვლენა შოკისმომგვრელი აღმოჩნდა ადგილობრივებისთვის, რომელთა უმრავლესობას თოვლი საერთოდ არ ჰქონდა ნანახი.
თოვლის მოსვლასთან ერთად, ქვეყანას ქვიშის ქარიშხალი დაატყდა თავს, თუმცა თოვლი დიდი ხანი არ შენარჩუნებულა. როცა ქვეყანაში თოვლი მოვიდა, ჰაერის ტემპერატურა 15 გრადუსი იყო.
ცნობილი ხდება, რომ „ამინდის ექსტრემალური პირობების“ გამო, საგზაო უსაფრთხოების სამსახურის ძალებმა, ამ ტერიტორიისკენ მიმავალი გზები გადაკეტეს მას შემდეგ, რაც ათასობით ადგილობრივი მაცხოვრებელი და სტუმარი ჩავიდა პეიზაჟის სანახავად. ხელისუფლებამ სტუმრებსა და ადგილობრივებს სიფრთხილის გამოჩენისკენ მოუწოდა, რადგან, მათი ინფორმაციით, მოსალოდნელია ცუდი ხილვადობა და ჭექა-ქუხილი.
შესაძლოა კიდევ უფრო დიდი თოვლი მოვიდეს ჯებელ-ელ-ლოუზის მთაზე, ასევე ელ-დახარის მთიან რაიონში ტემპერატურა 0 °C -მდე დაიწევს.
ამასთან, საუდის არაბეთის ეროვნული მეტეოროლოგიის ცენტრი იტყობინება, რომ ჭექა-ქუხილი და სეტყვა მოსალოდნელია მექაში, ალ-ბახეში, ერ-რიადში, ელ-კასიმეში და სამეფოს სხვა რეგიონებშიც.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.