ქართული
English
ამბობენ, სექტემბერი ზღვაზე დასასვენებლად საუკეთესო თვე არისო. თუ თქვენც ასე ფიქრობთ, მაშინ გთავაზობთ ხუთ საუკეთესო ადგილს, სადაც სექტემბერში დასვენება დაუვიწყარ შთაბეჭდილებებს დაგიტოვებთ.
ალგარვი პორტუგალიის უკიდურესი სამხრეთი რეგიონია. აქ სექტემბერში მზიანი და სასიამოვნო დღეებია საშუალოდ 26 გრადუსი ტემპერატურით. კურორტი ლამაზი სანაპიროებით, გემრიელი ზღვის პროდუქტებითა და წყლის სპორტის სხვადასხვა სახეობითაა ცნობილი.
კრეტა საბერძნეთის გამორჩეული კუნძულია ზომიერი კლიმატით. შემოდგომის დასაწყისში ტემპერატურა 24-27 გრადუსზე მერყეობს. კრეტაზე ანტიკური ძეგლები, ლამაზი კანიონი, ვარდისფერი სანაპირო და ბერძული სამზარეული გელოდებათ.
ვალენსია ესპანეთის ცნობილი სანაპირო ქალაქია. სექტემბრის საშუალო ტემპერატურა 28 გრადუსია. ველანსიაში აქტიური ქალაქი, ზღვის თვალწარმტაცი სანაპირო, თანამედროვე არქიტექტურა და ესპანური გემოები ერთიანდება.
დუბროვნიკი ხორვატიის ის ქალაქია, სადაც შუასაუკუნეების ატმოსფერი გელოდებათ. დუბროვნიკი განსაკუთრებით მშვიდია სექტემბერში, როცა ქალაქი ზაფხულის ხალხმრავლობისგან თავისუფლდება.
ამალფის სანაპირო იტალიის ის ნაწილია, სადაც სექტემბერში ტემპერატურა 30 გრადუსს აღწევს. კლიფეებზე შეფენილი ფერადი ქალაქები შემოდგომაზე განსაკუთრებით რომანტიკულ განწყობას ქმნის.
სექტემბერში თითოეული ეს კურორტი თავისებური ხიბლით იზიდავს მოგზაურებს.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.