ქართული
English
სიცილიაზე მდებარე ვულკანი ეტნა ძლიერად ამოიფრქვა. ამოფრქვევის შედეგად, სამხრეთ-აღმოსავლეთ კრატერი ნაწილობრივ ჩამოიშალა, რამაც ლავის ნაკადებისა და ფერფლის უზარმაზარი ღრუბლის წარმოქმნა გამოიწვია. ღრუბელი რამდენიმე კილომეტრის სიმაღლეზე გავრცელდა.
ძლიერი ამოფრქვევის მიუხედავად, ლავის ნაკადები ვულკანის ბუნებრივ საზღვრებში დარჩა და მოსახლეობისთვის საფრთხე არ შეუქმნია. მიმდებარედ მყოფ ტურისტებს კი სასწრაფოდ დაატოვებინეს ტერიტორია.
კატანიის აეროპორტში გამოცხადდა "წითელი კოდი" ავიაციისთვის, თუმცა ფრენები არ შეფერხებულა .
ეტნა ევროპის ერთ-ერთი ყველაზე აქტიური ვულკანია, რომლის სიმაღლე დაახლოებით 3,400 მეტრია. იგი მდებარეობს აფრიკისა და ევრაზიის ტექტონიკურ ფირფიტებს შორის, რაც მას მუდმივი სეისმური და ვულკანური აქტივობის ზონად აქცევს .
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.