ქართული
Русский
მაისი იდეალური თვეა დასასვენებლად. ამ დროს ჯერ კიდევ არ არის განსაკუთრებული სიცხე, ტურისტების რაოდენობა კი შედარებით მცირეა. თუ მაისისთვის სანაპიროზე დასვენებას გეგმავთ, გთავაზობთ 5 ქვეყანას, სადაც მაისში საზღვაო სეზონი უკვე სრულად გახსნილია.
ესპანეთი — კანარის კუნძულები
კანარის კუნძულებზე მაისში უკვე სტაბილურად თბილი ამინდია. ჰაერის ტემპერატურა 26°C-ს აღწევს, ხოლო წყლის - 20–22°C. პლაჟები ჯერ კიდევ არ არის გადაჭედილი ტურისტებით, რაც ამ პერიოდს განსაკუთრებით სასიამოვნოს ხდის.
ეგვიპტე — წითელი ზღვის კურორტები
ჰურგადა და შარმ ელ-შეიხი მაისში თითქმის იდეალური არჩევანია. ჰაერი თბება 30°C-მდე, ხოლო წყლის ტემპერატურა 24–26°C-ია. აქ მზე მთელი წლის განმავლობაში ანათებს, მაგრამ მაისი ნაკლებად ცხელი და გაცილებით კომფორტულია ზაფხულთან შედარებით.
კვიპროსი
კვიპროსი მაისში ერთ-ერთი საუკეთესო არჩევანია. წყლის ტემპერატურა 21–23°C-ია, ხოლო ჰაერი - თბილი და სასიამოვნო. გარდა ამისა, კვიპროსში მარტივად შეგიძლიათ დააკავშიროთ ზღვისპირა დასვენება ისტორიულ და კულტურულ ექსკურსიებთან
საბერძნეთი — კუნძულები
შეიძლება ითქვას, რომ საბერძნეთში მაისში ზაფხული იწყება: ჰაერის ტემპერატურა 23–27°C-ია, ხოლო წყლის ტემპერატურა დაახლოებით 20–22°C. კრეტა, როდოსი, კორფუ — ეს კუნძულები განსაკუთრებით მომხიბვლელია მაისში, რადგან ჯერ კიდევ არ არის დამღლელი სიცხე და პლაჟები სუფთაა.
ტაილანდი - კო-სამუი
მაისი ტაილანდის უმეტეს ტერიტორიაზე სეზონის დასასრულია, მაგრამ კო-სამუიზე მშრალი სეზონი სწორედ ამ დროს იწყება. ტემპერატურა 30°C-მდე ადის, ზღვა კი თბილი და მშვიდია. იდეალური საზღვაო კურორტია ეგზოტიკის მოყვარულებისთვის.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.